నీ పూతోటలో నే కుసుమానినై
నీ సేవలో జన్మ తరియించనీయి
నీ ద్వారముకు నే తోరణమై
నిత్యం నీ ఎదుట నాట్యమాడనీయి
నీ ముంగిట నే ముత్యాలముగ్గునై
నీ మోములో కాంతి తిలకించనీయి
నీ ఎదుట నే కర్పూరహారతై
ఆర్తితో నిన్ను ప్రార్ధించనీయి
నీ సన్నిధిలో నే ప్రమిదనుయై
నీ చెంతనే నన్ను శయనించనీయి
నీ ధుని మంటలలో నే కట్టెనుయై
ఆ వెలుగులో నిన్ను దర్శించనీయి
నీ నుదుటన నే చందనమై
నీ చెలిమి మాధుర్యం చవిచూడనీయి
నా భవితకు నువ్వు మార్గదర్శివై
నిన్ను చేరు మార్గాన్ని చూపవోయి
Subscribe to:
Post Comments (Atom)
No comments:
Post a Comment