నా మనసు

సాయి నిన్ను చూడాలని కోరింది నా మనసు
కోరికల చిట్టా నీ ముందు విప్పుతుందని తెలుసు

అడిగిన వెంటనే కాదనక నీ సన్నిధికి చేర్చా
మొదలెట్టిందిక తన లిస్టు అడిగింది అడిగింది

ఏవేవో అడిగింది కోరినవన్నీ తీర్చమంది
ఎంతకూ ఆగనంది తన గమ్యం తెలియకుంది

ఆశల పల్లకిలో ఊరేగే మనసుకేం తెలుసు
ఆ భారాన్ని మోసి నా శరీరమెంత అలసిందో

పాపం దానికీ అలుపొచ్చిందేమో ఆలోచించింది
తుదికి ఎక్కడా తృప్తి లేదని గ్రహించింది

శ్రీసాయిని ఏమి అడగాలో అప్పుడు తోచింది
తండ్రి నీ కరుణామృతాన్ని ప్రసాదించమని వేడింది